Адрас: 222811, Мінская вобласць,
г. Мар'іна Горка, вул. Ленінская, 47

РЭЖЫМ ПРАЦЫ
панядзелак - пятнiца

З 8:30 да 17:30
абед з 13:00 да 14:00
(прыём грамадзян і юрыдычных асоб - з 8.00)

Тэлефон: +375 (1713) 3-51-66

Факс: +375 (1713) 6-05-96

«ГАРАЧАЯ ЛІНІЯ»: +375 (1713) 2-04-24
(у буднія дні з 8:30 да 17:30, абед з 13:00 да 14:00)

Адзіны даведачна-інфармацыйны нумар службы «адно акно »: 142

E-mail: isp@pukhovichi.gov.by 
(для дзелавой перапіскі)

Рубрыка: Электронныя звароты
(для зваротаў грамадзян і юрыдычных асоб)

Сацыяльныя сеткі: Інстаграм

19.03.2018

Словы падзякі за працу прагучалі ў адрас калектыву ААТ “Голацк”

19 03 2018 1

Да 1 красавіка будзе доўжыцца рэспубліканская прафсаюзная акцыя “Наш жывёлавод”. На гэтым тыдні  словы падзякі за працу гучалі ў адрас калектыву ААТ “Голацк”. Павіншаваць жывёлаводаў малочна-таварнай фермы “600 галоў”  прыехаў  галоўны тэхнічны інспектар працы Мінскага абласнога камітэта прафсаюза работнікаў АПК Аляксандр Мотуз. Аляксандр Васільевіч уручыў падзячныя лісты і грашовыя прэміі ад абкама прафсаюза работнікаў АПК тэхніку-асемянатару Дзіяне Яскевіч, аператару машыннага даення Людміле Грышчанка і аператару по доглядзе і кармленні дойнага статку Юрыю Мазаніку. 

Дзіяна Яскевіч — адданы гаспадарцы чалавек. Яна працуе тут усё жыццё. Пачынала як аператар машыннага даення, пасля скончыла спецыялізаваныя курсы і стала тэхнікам-асемянатарам. Дзіяна Віктараўна адказвае за ўзнаўленне статку.

—  У мінулым годзе ААТ “Голацк” стала лепшым па вытворчасці малака — 7963 тоны. “Плюс” да 2016 года склаў 308 тон.

Сярэдні надой малака ад каровы склаў 4860 кілаграмаў (плюс 192  кілаграма да 2016 года).

Да прыемных слоў і віншаванняў далучылася старшыня райкама  прафсаюза работнікаў АПК Людміла Ленкавец. Падзякі і падарункі ад  Прэзідыума раённага галіновага прафсаюза атрымалі аператары машыннага даення  Надзея Навіцкая, Таццяна Зварыкіна, Галіна Рабянок, жывёлавод Алена Доўгая.

19 03 2018 2

Надзея Навіцкая.

Старшыня прафкама гаспадаркі Зоя Кікаць уручыла падарункі брыгадзіру МТФ “600 галоў”   Валянціне Цімашкевіч, памочніку брыгадзіра Вользе Протас, слесару малочнага абсталявання   Васілю Лысенку і жывёлаводу Юрыю Нявейку.

Калектыў сельгаспрадпрыемства другі год далучаецца да гэтай прафсаюзнай акцыі. Зразумела, што адразу адзначыць усіх жывёлаводаў немагчыма, таму ў гэтым годзе ў спісе ўдзельнікаў акцыі ўсё больш новых імён. Зоя Кікаць наведала  астатнія фермы і  павіншавала  калектывы кожнай з іх. Усяго ў ААТ “Голацк” падарункі атрымалі  34  жывёлаводы.

Сваю   прыемную  місію   —  павіншаваць  работнікаў  ферм — Аляксандр Мотуз сумясціў са сваімі звыклымі абавязкамі. Галоўны тэхнічны інспектар працы праверыў санітарна-бытавыя ўмовы працы жывёлаводаў. На малочнатаварнай ферме  ёсць гардэроб, пакоі для адпачынку і для прыёма ежы, душавая кабіна, пральная машына.

Наступнымі  пунктамі прыпынку ў нашым раёне  для  Аляксандра Мотуза сталі мехдвары ААТ “Племянны завод “Індустрыя”, “Пухавіцкі райаграсэрвіс”, “Ражджэственскае-агра”. Мехмайстэрні гэтых гаспадарак прадстаўнікі абласнога і раённага прафсаюза работнікаў АПК наведалі ў рамках месячніка па падрыхтоўцы да вясенне-палявых работ, які  абвешчаны  Федэрацыяй прафсаюза і праводзіцца з 15 сакавіка.

— Мэта аб’яўленага месячніка — наведаць усе мехдвары, праверыць гатоўнасць тэхнікі да палявых работ і разам з гэтым  ацаніць умовы працы людзей, бо важная задача прафсаюзаў — садзейнічаць  стварэнню  добрых умоў на працоўных месцах, — адзначыў Аляксандр Мотуз. —  Таксама мы праводзім маніторынг па стварэнні бяспечных умоў працы. Пра прафілактыку вытворчага траўматызму  ўсім работнікам сельскай гаспадаркі трэба памятаць пастаянна.

Чытаць 2636 разоў

© Пухавіцкі раённы выканаўчы камітэт, 2008-2020
Убачылі памылку на сайце?
Калі ласка, вылучыце тэкст з памылкай
і націсніце ctrl + enter

Яндекс.Метрика Распрацоўка і падтрымка сайта:
Група кампаній «ЦВР «КАСТРЫЧНІЦКI»