Aдрес: 222811, Минская область,
г. Марьина Горка, ул. Ленинская, 47

РЕЖИМ РАБОТЫ
понедельник – пятница

С 8:30 до 17:30
обед с 13:00 до 14:00
(прием граждан и юридических лиц – с 8.00)

Телефон: +375 (1713) 3-51-66

Факс: +375 (1713) 6-05-96

«Горячая линия»: +375 (1713) 2-04-24
(в будние дни с 8:30 до 17:30, обед с 13:00 до 14:00)

Единый справочно-информационный номер службы «одно окно »: 142

E-mail: isp@pukhovichi.gov.by 
(для деловой переписки)

Рубрика: Электронные обращения
(для обращений граждан и юридических лиц)

Социальные сети: Инстаграм

29.11.2022

Удзельнікі аркестра рускіх народных інструментаў музычнага каледжа імя М. Глінкі правялі майстар-клас для навучэнцаў Мар’інагорскай дзіцячай школы мастацтваў

 Запланаваць наведванне любога культурнага мерапрыемства — гэта практычна заўсёды арганізаваць для сябе сюрпрыз. Нават калі добра ведаеш пра творчасць тэатральнага або музычнага калектыву, на сустрэчу з якім збіраешся, заўсёды можна ўбачыць ці пачуць нешта нечаканае для сябе.

Шчыра прызнаюся: з творчасцю аркестра рускіх народных інструментаў Мінскага дзяржаўнага каледжа імя Міхаіла Глінкі я не была знаёма. На канцэрт калектыву  ў Мар’інагорскую дзіцячую школу мастацтваў мяне запрасіла яе  дырэктар Наталля Захарчук.  Прыйшла і ў чарговы раз атрымала вялікае задавальненне ад таго, што адбывалася ў зале.

На сцэне былі студэнты. Але іх выканальніцкае майстэрства пераўзышло ўсе чаканні. Маладыя людзі ігралі цудоўна. І было відавочна: тое, што яны робяць, ім шчыра падабаецца. А мастацкі кіраўнік калектыву, дырыжор Віталь Дубовік,  зачараваў усіх сваёй абаяльна-сцю. І хаця ў зале былі ў асноўным дзеці,  цішыня пры гэтым   стаяла ідэальная.

Яшчэ б: у аркестры — балалайкі, домры, баяны… А творы гучалі сучасныя. І гэта была музыка для ўсіх. Такія слухачы, як я, проста атрымлівалі асалоду, а юныя музыканты са школы мастацтваў яшчэ і прыглядаліся да таго, якія  прыёмы гульні на інструментах іх старэйшыя таварышы выкарыстоўвалі падчас выступлення.

Віталь Дубовік, мастацкі кіраўнік і дырыжор аркестра:

— Мы працуем у межах праекта «Дарогамі вайны і перамогі», на рэалізацыю якога атрымалі грант Прэзідэнта Рэспублікі Беларусь. У першым семестры мы выконвалі песні беларускіх кампазітараў. Зараз супрацоўнічаем з хорам нашай установы адукацыі і будзем выконваць прэм’еру харавога цыкла кампазітара Алены Атрашкевіч. Але  мы выкарыстоў-ваем магчымасць выконваць,  акрамя ваенна-патрыятычнай, нашу інструментальную музыку рознай тэматыкі. Дзякуючы фінансавай падтрымцы мы прыязджаем у музычныя школы.

Хаця супрацоўніцтва з каледжам у Мар’інагорскай дзіцячай школы мастацтваў  ужо наладжана, але наш аркестр, які прадстаўляе народнае аддзяленне, тут упершыню. Зараз на сцэне школьнікі-гледачы  трымаюць у руках інструменты, спрабуюць іграць, і гэта, лічу, самая важная частка нашага візіту.

Сапраўды, пасля таго як скончыўся канцэрт, юнакі і дзяўчаты з глядзельнай залы падняліся на сцэну, і пачаліся жывыя зносіны з музыкантамі аркестра. А потым студэнты каледжа арга-нізавалі майстар-клас для навучэнцаў школы мастацтваў.

Наталля  ПАРХОМЧЫК.

Прочитано 138 раз

© Пуховичский районный исполнительный комитет, 2008-2020
Увидели ошибку на сайте?
Пожалуйста, выделите текст с ошибкой
и нажмите ctrl + enter

Яндекс.Метрика Разработка и поддержка сайта:
Группа компаний «ЦВР «ОКТЯБРЬСКИЙ»